سقى الله يوم انا طفله

سقى اللهيوم انا طفله  وأنام ولاحد قـدي
ولا احاتي هموم اليوم ولا احاتي أمـل بكـرة

تداعب امي شعـري وتمسـح يدّهـا خـدي
ونومي هادي وساكن رعانا الرب في ستـره

تلاعب يدي الدميه وعنـدي هاالزمـن وردي
همومي لعبتي ضاعت وعندي هم وش كبـرة

كبرت وزادت همومي وأحس أن الزمن ضدي
كبرت ونظرة الطفله تعيـش بداخلـي فطـره

كبرت وعشت هالدنيا كبـرت ولاهـو بـودي
كبرت بشكلي ..ورسمي..وعقلي..باقي بصغره

وصار الهم يلعب بي كما الدميات فـي يـدي
واسامر ليلي بطوله ويعلـن رحلتـه فجـره

زماني كشر انيابـه وصبـري بيـح بسـده
حياة بحرهـا هـادر وكـلآ غـارق بشبـره

بشر تاكل بعض تاكل وتحرق عينهـا جلـدي
بشر تسرق صفا خاطروكحل العيـن بالأبـرة

ياليت وليت أنا طفلـه وأنام ولاحـد قـدي
ولاأحاتي هموم اليوم ولا أحاتي أمـل بكـرة